Hidhamtoota yakkaa kuma kudhaniif dhiifamnii godhamuu Prezidaantiin mootummaa naannoo Oromiyaa Obbo Lammaa Magarsaa Robii Amajjii 4 bara 2017 labsanii jiru.Hidhaa keessa yeroo turanti amala gaarii kan argisiisan, yakka rawwataniin kanneen gaabban gara hawaasaatti yoo makaman jijjirama ni argamsisuu jedhamee kanneen yaadaman ta’uun ibsamee jira.Kunis heera bulchiinsa naannoo Oromiyaa keeyyata 57 irratti hirkachuun bulchaan nannoo dhiifama gochuu akka danda’uu ibsamee jira.
Waajiira dhimmootii kominikeeshinii Oromiyaaf itti gaafatamaa kan ta’an Obbo Addisuu Araggaa akka jedhanti Oromiyaa keessatti sababaa siyaasaan namnii hidhame ykn adabnii irratti murame hin jiru. Garu Jeequumsa Oromiyaa keessaa waliin wal qabatee kanneen wirtulee haroomsaa xolaay Alaagee fi Awaash seenan leenjii fudhatanii ba’aniiru waan ta’eef dhiifamnii kun isaan hin ilalltu jedhu.
Paartiin mormituu Kongreesnii Federaalawa Oromoo gama isaan aangawoonni mootummaa waan dubbatan walii isaanii giddutti wal faalleessaa dha jedhu.
Gabaasaa guutuu kana cuqaasuun dhaggeefadhaa
