Manni-maree murtii-seeraa Yunaayitid Isteets – nama prezidaant Doonaald Traamp mana-murtii muummichaa biyyattiif kaadhiman – Neeyil Goorsach mirkaanessuuf qorannaa geggeessamu, marsaa duraa har’a jalqabee jira.
Abbaan-murtii Antooniin Iskaalaiyaa Guraandhala, bara 2016 du’anii booda, manni-murtii muummichi abboota murtii sagal silaa qabaachuu male keessaa tokko hanquudhaan geggeessamaa ture.
Idoo sana guutuuf jecha, namni Prezidaantii duraanii Baraak Obaamaan dhiheeffamanii turan – Abbaan-murtii Meetrik Garlaand, mana-maree murtii seeraa Ripublikaanonni sagalee wayyaba keessatti qabaniin otuu hin raggaaisamiin hafan.
Gorsachii fi miseensonni mana-maree murtii-seera har’a haasawa baninsaa kan godhan yoo tahu, boorii fi iftaan immoo, gaaffiilee tu Goorsaacghiif dhihaata – jedhama.
Senetii Yunaayitid Isteets keessatti, Ripublikaanonni barcuma 52, Dimookiraatonni immoo barcuma 48 qaban.
