Poolisoonni Keeniyaa, kaleessa, deggertota hoogganaa mormitootaa – Raayilaa Odingaa, yeroo isaan konkolaataan dabran deggersa isaanii dhageessisaa turan adda-facaasuuf dhukaasee, yoo xiqqaate namoota lama ajjeese – jedhu – maddeen oduu.
Akka gabaasaaleen jedhanitti, poolisoonni Keeniyaa, yeroo deggeroota Odiingaa wajjiin walitti-bu’anitti rasaasa fi gaazii imimmaansisu dhukaasaa, bishaan biifaa turan.
Odingaan gara Briteenii fi Yunaayitid Isteets-tti imalanii eega deebi’anii booda, bakka itti haasawa gochuuf jiran – jedhame – Giddu-gala magaalatti biratti wal-ga’anii – sagalee deggersaa otuu dhageessisaa jiranii – humnoonni Poolsii itti bobba’e – jedhama.
Manni-murtii Muummichi Keeniyaa, filannoo Onkoloolessa dabre geggeessame buqqisuu fi dhiisuu irratti Wixata dhufu murtii kennuuf qophaawaa jirutti, walitti-bu’insi kun uumame.
