Hoogganaan biiroo dargaggotaa fi ispoortii Oromiyaa, Dr. Milkeessaa Miidhagaan kan hoogganame gareen dargaggootaa fi Abboota Gadaa of keessaa qabu tokko, maanguddootaa fi dargaggoota Gaamoo dubbisuuf magaalaa Arbaa-minci bubbulee har’a deebi’e.
Kaayyoon imala kanaa tokko, maanguddoota Gaamoo yeroo dabre dargaggoota isaanii miiraan kaka’uun qabeenyaalee Oromiyaa magaalattii keessaa haleeluuf turan akka aadaatti margaa qabatanii dura-dhaabatanii dhorkan galateeffachuuf tahuu isaa dubbatan – Dr. Milkeessaan.
Hookkarrii fi ajjeechaan guyyoota kudhan dura Finfinnee fi Buraayyu keessatti raaw’atame qeerroo fi uummata Oromoos tahe dargaggootaa fi uummata Gaamoo kan bakka hin buune tahuu isaa walii-hubachiisuun, qaama kaayyoo biraaf gochaa kanatti bobba’e of irraa ittisuuf walii-galuun isaaniis himamee jira. Gaaffii fi deebii guutuu caqasaa.
