Prezidaantiin bulchiisa naannoo Amaaraa, warreen yeroo adda addaatti akka naannoon Amaaraa jeeqamu taasisan, namoota bakka biraatii dhufan otuu hin taane dhalattootuma naannichaa, bitamtoota ajandaa dabarsanii kennan, jechuudhaan kallattiin fuul-duraas ergama bitamtoota, jedhan kanaa fashalsiisuu akka tahe dubbatan.
Prezidaantichi bulchiisa naannoo Amaaraa – Obbo Tamasgeen Xuruneh, kan kaleessa xumurame gumii idilee kudha shanaffaa mana-maree mootummaa naannoo Amaaraa irratti kana dubbatan.
Manni-maree sun, gumii guyyoota lamaaf geggeesseen baajeta bara 2013, Birrii Biliyoona 62 fi qabxii 7 ka raggaasise yoo tahu, muudama hoogganaa Biiroo tokkoo fi kan abboota-murtii manneen-murtii muummichaa, ol’aanaa fi aanaalee walumaa-galatti dhibba tokkkoo fi toorbaatamaas raggaasisee jira.
