Yunaayitid Isteetis har’a irraa jalqabee waggoota afuran dhufaniif, ka paartii dimokiraatii irraa filtaman prezidaantii biyyattii 46ffaa – Joo Baayideniin hoogganamuuf jirti. Dhiheenya kana deggertoonni prezidaantii amma taayitaa gad-lakkisanii, kan Doonaald Traamp, hookkara kaasuudhaan waajira Mana-mareetti humnaan seenuu irraa kan ka’e, yaaddoon nageenyaa biyyattii keessatti dabalee, eegumsi cimee oole.Addaan-qoodaminsaa fi wal-muddinsa siyaasaa biyyattii keessatti hammataa dhufee fi sababaa kanaaf, qormaataalee prezidaantii haaraa amma taayitaa qabatan fuul-dura jiran, akkasumas, furmaata isaa ilaalchisee kutaa Teksaas ka jiru, Koolejii Koolin irraa, proofesar Mohammad Xaahiroo dubbisnee jirra. Mohammad Xaahiroo, ammaan dura kutaa Teksaas irraa bana barcuma mana-maree murtii seeraa yokaan Senetiif dorgomanii turani.
Professor Mohammad Yaada keessan nuuf kennuu keessaniif guddaan sin galatoomsadha.
