Yunaayitid Isteets gargaarsa Itiyoophiyaa irraa dhaabde, wal-falmii biyyattiin waaa’ee hidha laga Abbayaa ilaalchisee Masrii waliin qabdu irraa adda-baastee ilaaluuf murteessitee jirti.
Ministririin Yunaayitid Isteetis ibsa har’a kenneen akka addeessetti, kana jechuun garuu, gargaarsi naga-eegumsaa fi misoomaa Yunaayitid Isteetis Itiyoophiyaa irraa dhaabdee turte kan gara Miliyoona dhibba lamaa fi miliyoona toorbaatamii lamaatti shallagamu, battalkatti gad-dhiifamaaf jechuu miti.
Gad-dhiifamuu fi dhiiisuun gargaarsa kanaa, haalawwan dhiheenya biyyattii keessatti mul’atan, kallattiitti wal-dhibdee Tigiraay keessaa irratti akka hundaa’u himamee jira.
Gargaarsi namoomaa kennamu, gargaarsa rarraasame sana keessa akka hin jirre ka dubbate – Ministarri Dhimma-alaa Yunaayitid Isteetis, ejjennoo Yunaayitid Isteetis kana mootummaa Itiyoophiyaa quba qabaachisuus beeksisee jira.
Dubbi-himtuun Muummicha-ministaraa Itiyoophiyaa – Abiyyi Ahimed, waa’ee kanaa gaafatamanii ammaaf akka deebii hin kenniin, Asoosheetid Press gabaasee jira.
