FINFINNEE —
Misooma albuudaa irratti ka mul’atu hanqina qabeenya humna namaa hammayyoomee fi hanqina teeknooloojii furuuf waaltaaleen barnootaa sadarkaa ol’aanaa ministeera albuudaa waliin ta’anii hojjechuun filannoo isa duraa ti jechuun ministarri albuudaa, Injiiner Takkelee Uumaa dubbatanii jiran.
Qabeenyaa uumamaa misoomsuu fi itti gargaaramuutiif ogeessa leenjii argatee fi damaqetu barbachisa kan jedhan immoo ministara barnootaa profeeser Birhaanuu Neggaa ti.
