Mootummaan Itoophiyaa, Riphxe Loltoota “Shanee” jechuun waamu, Isaan ammoo Waraana Bilisummaa Oromoo jechuun of waaman 3180 qabuu fi kanneen harka hin kenninu jedhan ammoo ajjeesuu himuun ibsa kennee jira.
Di’eetaan Ministira Tajaajila Komunikeeshinii Itoophiyaa Salaamaawit Kaasaa, “Manni Maree Nageenya Biyyaalessaa walgayii tibbana gaggeesseen, “hooggantoota gurmuu Riphxe loltoota Shanee irratti akka tarkaanfiin fudhatame murtaa’eera” jechuun Sagalee Ameerikaatti himan.
Gama biraan Ajajaa itti-aanaan Waraana Bilisummaa Oromoo Zoonii Kibbaa tibbana Moyyaaleetti qabame, jechuun illee himan. Dubbi-himaan Waraana Bilisummaa Oromoo - Obbo Odaa Tarbii immoo, “mootummaan akka hoogganoota WBO haleeluutti fuuleffatee duula geggeessaa ture ni beekna. Garuu, tokkottiyyuu hin milkoofne. Injifannoon inni labsatus sobuma baratame” jedhan.
Forum