Biiroon dubartootaa fi daa’immaanii naannoo Oromiyaa wagga kana daa’imman gataman dhibba tokkoo ol lubbuu baraaruu isaa himee jira. Obbo Biraanuu Deeksisaa, Diirektarri qabiinsa mirga daa’immanii naannoo Oromiyaa, gochaan daa’ima da’anii gatuu kun magaalawwan Oromiyaa Indastiriileen keessa jiranitti kan hedduummatu ta’uu dubbatan.
Bara kana keessa qofa biroon isaanii daa’imman dhibba tokkoo ol bakkawwan itti gatamanii kaasee lubbuun oolchuu kan himan Obbo Biraanuun, daa’imman kun guddifachaadhaan biyya keessatti akka kennamaa jiran eeran.
Waajjirri Dubartoota fi Daa’immanii ka magaalaa Adaamaas yeroo ammaa daa’imman dhalatanii gataman baayyachaa akka dhufan dubbatan. Galmoo Daawit tu gabaase.
Forum