Muummichi Ministaraa Itiyoophiyaa Har’a Magaalaa Naqamteetti Qaamolee Hawaasaa Adda Addaa Waliin Mari’atan  

Muummeen Ministiraa Itiyoophiyaa Abiyyi Ahimad Naqamteetti qaamolee hawaasaa garaa garaa godinaalee Wallaggaarraa dhufan wajjin har’a ganama mari’atanii jiru.

Muummichi Ministiraa uummatni nagaa mirkaneessee akka fuulasaa gara misoomaatti naannessu hubachiisuun isaaniillee gabaasameera. Abiyyi Ahimad, “Hidhattootni har’aa jalqabee nagaan seenuu danda’u” jechuu isaanii ti kan himame.

Gareen riphxee-loltootaa Waraana Bilisummaa Oromoo ammaan dura dhimma kana irratti gaafatamee bakki qaamni walabaa jirutti marii nagaa adeemsisuuf qophii tahuu isaa kan ibsaa ture yoo tahu gama muummicha ministiraan kana ilaalchisee wanti ibsame hin jiru.