Lolli waraana Sudaan fi garee waraanaa humna deeggarsa ariifataa gidduutti Dilbata kaleessa Kaartuum keessatti itti fufeera. Kunis dhukaasa dhaabiinsa tolfamee guyyaa sadiif hojii irra oolee, Roobii dabree erga yeroo isaa xumuuree booda.
Sudaan walakkeessa baatii Eblaa keessa waldhabdee keessa kan seentee, erga waldhabdeen ji’ootaaf hammaataa ture dhohee jeneraalota walmorkatan kanneen biyyatti to’achuuf barbaadan gidduutti ifatti waldhabdee uumamee booda.
Dhukaasa dhaabuun maanguddummaa Ameerikaa fi Sa’uudii Arabiyaan tolfame Roobii dabree ganama yeroo isaa xumurame.
Walii galteen kun erga hojiirra ooleen booda magaalaa Kaartuum keessatti tasgabbii argamsisee jira. Garuu Kibxata halkan irraa eegalee kutaalee magaalaa Kaartuum keessatti lola cimaan akka gaggeeffame gabaafameera.
Manni Maree gola naga eegumsaa kan Tokkummaa Mootummoota Jimaata darbe, lollii Sudaan keessaa akka dhaabbatuu fi eegumsi lammiilee nagaa akka ta’u gaafatee ture.
Forum