Mormiin magaalaa guddoo naannoo haaraa Itoophiyaa Kibbaa filachuu irratti ka'e hordofuun magaalaa guddoo godina Arbaminch keessaa namoonni dhibbaan lakkaa'aman to'annoo jala ooluu isaanii mormitoonni, Paartii Dimookiraatawaa Gaamoo (GDP) beeksisaniiru.
Dargaggoonni hedduun qe’ee isaanii irraa fuudhatamanii to’annoo jala ooluu isaaniis jiraattonni VOAf himaniiru.
Dubbi himtuun bulchiinsa godina Gaamoo Eden Nigusee, mormii Hagayya 12, 2023 eegale hordofuun namoonni tokko tokko to’annoo jala ooluu isaanii amananii jiran.
Namootni dhuunfaa kun kan hidhaman garuu jeequmsa keessaa harka waan qabaniif malee, sababa mormii uumameen akka hin taane VOAtti himaniiru jechuu dhaan Yonatan Zebdiwoos gabaaseera.
yz/tk/dw
Forum