Pirezidaantiin Afrikaa Kibbaa Siiriil Raamaafoosaan Kibxata kaleessaa babal’ina BRICS waliin walqabatee ejjennoo Afrikaa Kibbaa irra deebi’anii ibsuu dhaan dinagdeen addunyaa dandeettii Afrikaa akka bitatan gaafataniiru.
Gareen BRICS biyyoota dinagdeen guddachaa jiran gurguddoo addunyaa Biraazil, Raashiyaa, Hindii, Chaayinaa fi Afrikaa Kibbaa walitti dhufuun kan uumame dha. Gamtaan biyyoota dinagdeen guddachaa jiran kanaa guyyoota sadan itti aanan keessa karaalee salphaa ta’een daldalaa fooyyessuu danda’an irratti mari’ata jedhamee eegama.
Biyyoonni Afrikaa invastaroota filatamoo ta'an warra dhufanii ardii-ttii keessatti invest godhan ta'uu isaanii ifa taasisaniiru, garuu qabeenya asii argamu kan qindeessamu bakkuma qabeenyichi argametti dhiyoo akka ta’u ifa gochuu barbaanna, sababiin isaas biyyootiin Afriikaa kanneen akka dhakaa fi Ashawaa biyya alaatti ergu utuu hin taane meeshaalee hojjetaman dhuman erguu barbaadu jedhan Ramaafoosaan.
Walumaa gala jiloonni BRICS irraa ta’an kanneen 1,200 ta’anii fi biyyoota guddataa jiran irraas kanneen 12 ta’an magaalaa guddittii Afriikaa Kibbaatti kan argaman yoo ta’u, hoogganoonni biyyaa 40 itti dabalaa illee gumii sana irratti kan hirmaatan ta’uu Ramaafoosaan dubbataniiru.
Wal ga’ii kana irratti Prezidaantii Afriikaa Kibbaa Siriil Ramaafoosaa, muummicha ministeeraa Hindii Nareendraa Moodii argamaniiru. Prezidaantiin Chaayinaa Xi Jinpiing fi kan Raashaa Prezidaant Vilaadmir Putin kan hirmaanne yoo ta’u, garuu bakka buutota isaanii erganiiru.
ap/tk/dw
Forum