Xumura torban kanaa godaantonni 230 ta’an yabala xiqqoo dhaan galaana Mediteraaniyaan qaxxaamurani Kaaba Afriikaa irraa gara odola Girikii gama kibbaa Kireetee-tti ce’anii jiran.
Odolli gama kibbaa kun bara kana godaantota Liibiyaa irraa imala balaa qabu geggeessuun garba Meditiraaniyaanii qaxxaamuranii balaaf saaxiluuf bakka ijoo ta’ee jira. Mootummaan Giriiki wiirtuuwwan adeemsa godaantotaa kan mootummaan maallaqaan deggeru angawoota Kireetee gargaaruuf yaadaa jira.
Liibiyaa irraa qaxxaamuruun bakka sana dhaqqabuuf yoo xiqqaate guyyaa lama fudhata. Namoonni kurnaa ol ta'an bidiruuwwan dhuma torban darbee gara Kereet gahan, garee seeraan alaa nama deddeebisan keessa jiru jedhamuun shakkamanii to'annoo jala oolaniiru.
Angawoonni Girikii akka jedhanitti lola Libaanonii fi Gaazaa keessaa dheessuu dhaan baqattoota hedduun gamas dhaqqaban dabalaa adeemuuf of qopheessaa akka jiran himaniiru.
Godaantonni Kireetee dhaqqaban martinuu akka jedhanitti andaara galaana Liibiyaa Tobruk irraa ka’uu isaanii fi namoota seeraan ala nama deddeebisaniif tokko tokkoon isaanii Yuuroo 9,000 kaffalan. Jimaata darbe godaantonni Kireetee dhaqqaban 100 ol ta’uun gabaasameera.
Forum