Godina Harargee Lixaa aanota Qorichaa fi Shanan Dhugootti Kibxata kaleeessa - Fulbaana 28, 2017 - roobni cimaan roobee lafti sigigaachuun namoonni 10 lubbuun darbuu bulchiinsi aanoota lamaanii Sagalee Ameerikaaf ibseera. Bulchaan Aanaa Gubbaa Qorichaa Obbo Malkaamuu Erbelloo, "Fulbaana 28, 2017 sababa sigiga lafaatin ganda Jarjarteetti namoonni 4 yoo lubbuun darbu ganda biraa keessatti immoo lubbuun nama tokko darbeera, namoota 3 irratti miidhaan qaamaa cimaan qaqqabeera," jedhan. Aanaa Shanan Dhugoottis guyyuma kaleessaa balaa wal fakkaataa qaqqabeen Ganda Lalistuu keessatti lubbuun nama 5 darbeera jedhan bulchaan aanichaa Obbo Adam Abbaas.
Forum