Waliigalteen Bu’uura Laga Abbayyaa kan jedhamu jalqaba bara 2010 kan eegalame yoo ta’u, Itiyoophiyaan alatti booda irra Ruwaandaa, Yugaandaa, Taanzaaniyaa, Rippaablikii Dimokraatawaa Koongoo fi yeroo dhiyootti ammoo Sudaan Kibbaatiin raggaasifameera.
Waliigaltichi hojiirra oolus, biyyoota toora yaa’aa Bishaan Abbayyaa irra jiran gurguddoo lama Masrii fi Sudaan mormaniiru.
Biyyoonni lamaan wixineen Bu’uura Laga Abbayyaa ilaalchisee ba’e kun waliigaltee isaanii malee ta’uu ibsuu dhaan, tarkaanfiiwwan gama tokkee kun, biyyoota yaa’a bishaanichaa gara olii fi gadii gidduutti qoqqoodinsa hammeessuu hammeessuu akka malu akeekkachiisaniiru.
Muummichi ministeeraa Abiy, waliigaltichi hojii irra ooluu isaa jajatanii jiran.
Guyyaan kun tumsa dhugaa Bishaan Abbayyaa keessatti qabnu guddisuuf tattaaffii waloo taasifnu keessatti milkaa’ina seena qabeessa ta’ee yaadatam jedhan.
Waliigalteen Bu’uura Laga Abbayyaa hojiirra ooluun isaa akka maatii Naayiliitti fayyadamuutti, walitti dhufeenya keenya kan cimsu yoo ta’u, bulchiinsi fi itti fayyadamni qabeenya bishaanii waliin qabnu hundi fayyadamoo akka ta’u mirkaneessa, jechuun barreeffama X, ka duraan tiwiitara ture irratti barreessuun itti dabalanii ibsaniiru.
Akka marsariitii mootummaan Masrii Ahraam jedhutti, Masrii fi Sudaan walgahii guyyoota lamaaf Onkoloolessa 11-12 Kaayirootti gaggeessan hordofuu dhaan ibsa Komishiniin Teeknikaa Waliinii Dhaabbataa Masrii fi Sudaan kan dhimma Bishaan Abbayyaa baaseen ejjennoo isaanii calaqqisiisaniiru.
Akka komiishinni kun jedhutti wixineen bara 2010 ba’e waliigaltee barbaachisaa kan hin qabnee fi qajeeltoowwan seera sadarkaa addunyaa hundeeffamanii fi muuxannoowwan gaarii ta’an kan hin kabajne ta’uu Al-Ahraam ibseera.
Muummichi ministeeraa Abiy, biyyoonni walii galtee sana mallatteessuu hin qabne maatii fayyadama bishaan Abbayyaatti akka makaman gaafatanii, waliin taanee kaayyoo misoomaa fi walitti dhufeenya waliin qabnu galmaan geenya jechuun dhaamsa dabarsaniiru.
Masriin dhimma hidha laga Abbayyaa guddicha irratti imaammata Itoophiyaa kan ittiin jettee ibsitu mormuu dhaan dhiheenya kana Gola naga eegumsaa kan Tokkummaa Mootummootaaf xalayaa barreessiteetti.
Xalayaan Masriin kun kan barreeffame erga Itiyoophiyaan tarbaayinoota humna elektirikii sadaffaa fi afraffaan hidha laga Abbayyaa irratti hojjechiisuu jalqabdee
Itiyoophiyaan mirga guddina diinagdeef qabdu fayyadamaa jirti jechuun falmiti.
Forum