Goojjam Kaabaa, Magaalaa Zibist Keessatti Haleellaa Diroonii Torban Dabre Geggeessameen Namoonni Afurtamaa Ol Du’an, Jedhu Jiraattonni

Gojjam kaabaa magaalaa Zibist keessa jiraattonni fi namoonni ijaan argan akka jedhanitti, naannoo Amaaraa keessatti lola humnoota mootummaa federaalaa fi garee hidhattoota Faanoo gidduutti geggeeffamaa jiruun torban darbe haleellaa dirooniitiin namoonni kudhanootaan lakkaa’aman ajjeefamaniiru. Angawaa Giddugala fayyaa magaalattii dabalatee jiraattonni hedduun haleellaa Sadaasa 5 raawwatameen yoo xiqqaate namoonni 43 du’uu himuun isaanii gabaasameera.