Kamisa Har’aa Godinaalee Oromiyaa Adda Addaa Keessatti Hiriirri Waamicha Nagaa Geggeessame

Naannoo Oromiyaa godinaalee Shawaa Lixaa, Bahaa, Wallagga Lixaa, Qeellam Wallaggaa,Gujii fi Arsii keessa kanneen jiran aanaalee gara garaatti har’a hiriirri waamicha nagaa gaggeeffameera jechuun namoonni hiriiricha irraatti hirmaatan himaniiru. Namoonni sagalee Ameerikaaf hirmaattoota hiriira har’a gaggeeffame ta’uu himan hiriira kana mootummaatu qopheesse WBO balaaleffadhaa jedhe dirqamaan baane yoo jedhan kaan immoo hawaasatu qaama mootummaa fi WBOtif waamicha nagaa taasisuuf qopheesse jechuun ibsaniiru. Yaada gam lamaa ka’eeratti kan deebii kennan dubbi himaan mootummaa naannoo Oromiyaa obbo Hayiluu Aaddunyaa hiriira hawaasni ofiin qopheesse mootummaan hirmaannaa keessaa hin qabu jedhan. Gama WBOtin deebii argachuuf yaaliin taasisne har’aaf hin milkoofne.