Mootummaan Naannoo Oromiyaa fi Ajajaan Waraan Bilisummaa Oromoo Jidduu Galeessaa duraanii harra walii galtee nagaa mallatteessuu ibsanii jiran. Qabiyyeen walii galtee kanaa eeramuu batus harra Prezdentiin Naannoo Oromiyaa Obbo Shiimellis Abdiisaa fi Ajajaan Waraana Bilisummaa Oromoo Jidduu Galeessaa duraanii Obbo Sanyii Nagaasaa Waliigaltee kana mallatteessanii jiran.
Obbos Shiimellis tarkaanfii Obbo Sanyii yoo jajan, Obbo Sanyiin ammoo dhiphuu saba oromoorra sababa wal waraansaa gahaa jira jedhan hambisuuf tarkaanfii kana fudhachuu dubbatan, dhimma kana ilaalchisee Gorsaa Ajajaa Waraana Bilisummaa Oromoo ta’uu kan himan Obbo Jireenyaa Guddataa deebii kennanii jiran, Galmoo Daawit dabalata isaa qopheessee jira.
Forum