Ka waggoota kudhan dura eegalame Sagantaan Inshuraansii fayyaa hawaasa Naannoo Oromiyaatti waggoota qonnaan bultoota ,horsiisee bultoota ,daldaltoota fi namoota galii dhaabbataa ji’aan hin argane, kan galii gadi aanaa fi giddu galeessaa qaban, miseensota ta’an miiliyoona 28 ol fayyadamtoota taasisee jira, jedha Biiroon Fayyaa Oromiyaa. Namoonni miseensa inshuraansii fayyaa hawaasaa ta’aniis faayidaa inshuraansicha irraa argatan Sagalee Ameerikaaf ibsanii jiran. Ogeessi fayyaa hawaasaa fi ogeessI dawaa Indashaaw Abarraa tajaajila kana irratti hubannoon hawaasaa cimuu qaba,walga’iinsi isaas babal’achuu qaba, jedhan.
Forum