Waaldaan Baankiiwaan Itiyoophiyaa dameewwan baankiiwwan garaa garaa 43 guyyoota sagala darban keessatti bulchiinsa mootummaa naannoo Hararii keessatti akka cufaman taasifaamaniran akka banaman jechuun gaafate. Hoogganaan waldaalee Baankii Itiyoophiyaa Obbo Damisseew Kaasaa akka ibsanitti dameewwan baankilee garaa garaa kanneen Naannoo Harariitti cufamanii jiran misooma Koriidarii magaalaa Haraarii keessatti mootummaan ijaaruuf tokkoon tokkoom isaanii birria miliiyoona lama akka kaffalan gaafatamanii kaffaluu waan dadhabaniif cufaman jedhan.
Baankkiiwwan kunneen erga cufamanii guyyoonni sagal darbaniiru kan jedhan hoogganichi cufamuu isaaniitiinis gaga’ama diinagdee garaa garaatu dhaqqabaa jira jechuunis ibsaniiru. Daameewwan baankiilee tajaajila faayinaansii kennuu fi maallaqa qusattoota irraa sassabanii ol kaa’uu malee keennaa eenyuufiyyuu kennuuf mirga hin qaban kan Obbo Damissew, maallaqa keenna akkasii kan kennu waajjira muummee baankiiwwaniit jedhan.
Bulchiinsi mootummaa naannoo Harariimmoo gama isaan torbaan darbe fuula miidiyaa hawwaasaa kan Komuunikeeshinii naannichaa irratti akka ifoomsetti baankonni kunneen kan cufaman gamoowwan ijaarsi isaanii hin xumuramne keessatti hojii hojjechaa waan jiraniifidha jedhee sababa misooma Koriidariif maallaqa kennuu didanii cufaman kan jedhu sobadhas jedheera.
Forum