Halkan jala bulti baraa Haraa, kutaa US Luuziyaanaa keessatti balaa konkol’ataa muudaateen namoottan 10 du’anii heduun madaa’uun isaanii beekameera. Barii waggaa haaraa bara 2025 Magaala kutaa Luuziyaanaa New Orliiyens keessatti namoottan heduumattanii jiran irratti nammi eenyumaan isaa battalatti addaan bahee hin ibsamine komkola’ataa isaa haritiidhaan ofuudhaan namoottan 10 battalatti Ajeesee namoottan 30 ol ta’an irratti miidhaa geesissisuun isaa gabaasameera.
Dhaabbanni qophaa’insaa balaa tasaa magaala New orliyeens fi poolisiin magaalichaa bala umame kannaf deebii kennaa jiraachuu isaanii eeranii , namoottan madaa’an hospitaaloota Shan keessatti akka waldhanamaa jiran ibsaniiru. Namoottan ijaan argan waabeffachuudhaan maddi oduu Rooyiters akka gabaaseetti, nammi konkola’ataa san ofaa ture , konkola’ataa keesaa bahuudhaan poolisotta irratti akka dhukaasa turee beekameera.
Bulchaan kutaa Luuziyaanaa Jeef Laandirii fulaa miidiyaa hawaasaa x irratti balaa kana ilaachisuudhaan yaada maxxansaniin, hokkorri suukaneesaa ta’e raawachuu isaa ibsaanii jiraatonni akka naanoo balichii itti raawwate irraa fagaatan gaafatanii jiru. Maatiiwwan yemmuu balaan sun raawwatu ijaan argan akka dhaabata Televijiinii CBSti himanitti namii konkola’ataa haluu adii qabuu hartiitiidhaan ofaa turee namoottan heduminaan daandii irra jiran irraa offuu isaa akka himan Rooyiters gabaasee jira.
Magaala New Orliyaans keessatti ji’a guraandhalaa bara 2017 nammii machaa’ee tokko konkola’ataa ofaa tureen balaa geesiseen namoottan 20 kan madaa’an yemmuu ta’u, ji’a sadaasaa bara 2024 balaa dhukaasaa bakka lamatti raawwateen namoonii lamma ajjeefamanii 10 immoo madaa’uun isaanii gabaasameera.
Forum