Bulchiinsa naanno kibaa, zoonii Oomoo kibbaa anaa Daasenech keessatii laginni Oomoo guutee danbali’uu isaatiin kan ka’e jiraattonii 62,000 qe’ee isaanii irraa Buqqa’aniiru.
Yoonaataan Zebdiyoos jiraattotaa balaa Kanaan midhaan irra qaqabeefi haanga’otaa nannoo hasofsiisuudhaan akka gabaassetti, balaa Kanaan homishin barbadaa’ee beelladoonii manaas kan midhaman Yemmuu ta’u, manoottan barumsaa hedduun lolaadhaan midhaan irra gaheeraa.
Bulchaa aanaa kan ta’an obbo Qabrarawu Tekluu gandoottan aanicha keessa jiran 40 keessaa 32 lolaadhaan rukutamanii misoomnii qotiinsaa barbadaa’eera.
Zoonii Omoo kibbaatti Itti gaafatamaa dhimma kominikashiinii kan ta’an obbo Malaakuu Lammaa akka VOA ti himanitti, balaa sun kan gahuu danda’e hidhii umna madisiisuu kan Gibee sadaffaa bishaaniin waan guuteef hirdhisuudhaaf jedhamee bishaan gad lakisamee lagaa oomootii dhangala’uu isaatiif jedhaniiru.
Bara darbes raakkoon wal fakkaataan akka Umamee turef balaa ammaa kanaan namoottan lama irrattii midhaan salphaan gaahuu irraa kan hafee lubbuu namaa irraatti rakkoon qaqqabe hin jiru jedhameera.
