WASHINGTON, DC —
Kan yeroo ammaa mana hidhaa qiliinxoo keessa jiran obbo Baqqalaa Garbaa, Obbo Dajanee Xaafaa, Obbo Gurmeessaa Ayyaanoo fi Obbo Addisu Bullaalaa, Kamisa kaleessaa qabee nyaata lagachuun mormii isaanii dhageesisaa kan jiran ta’uu maatiwwan isaanii keessaa ibsanii jiran.
Haadha warraa Obbo Dajanee Xaafaa kan ta’an Aaddee Assalafach Mulaatuu sababa midhaan lagachuu kana maal akka ta’e yeroo ibsan, Kibxata darbe mana murtii duratti dararaa mana hidhaa keessatti irra ga’e kan ilaaleen iyyata dhiyeeffatanii, manni murtii kun rakkoo bulchiinsa mana hidhaati jechuun deebii erga dhorkatee booda nyaata lagatan.
