Baatii tokkoo fi walakkaa dura Yunivarsitii Dambii Dolloo keessatti walitti-bu’iinsa uumamee ture dheessuun otuu gara maatii isaaniitti konkolaataan deebi’aa jiranii kanneen hidhattootaan iggitaman jedhaman barattoota 26 keessaa 21 nagaan gadhiifamuu isaanii mootummaan Itiyoophiyaa Sanbata dabre beeksisee jira.
Maatiin ijoollee iggitamanii garuu haga ammaatti ijoollee keenya ijaan arguus tahe sagalee isaanii dhaga’uu hin dandeenye jedhu.
Gama biraatiin kanneen butaman keessaa tokko tahuu ishee fi booda miliqxee harkaa ba’uu ishee ka dubbattu – barattuun Yunivarsitii Dambii Dolloo tokko “ana dabalatee kanneen iggitamne 18 turre” jetti. Isheen miliqxee waan baateef kan ishee biraa hafan dubartoota 13 fi dhiirota 4 walumaa galatti namoota 14 tahuus dubbatti.
