WAASHINGITAN, DIISII —
Ijoollee haleellaa keemikaalaatii saaxilaman keessaa
Prezidaantiin Siiriyaa, Bashaar Alasaad, abboota-siyaasaa Raashiyaa waliin walga’ii geggeessan irratti ennaa mul’atan waan haleellaa sanaan rifatan hin fakkaatan turan. Namaoota siyaasaa Raashiyaa prezidaant Alasaad wajjiin walga’an keessaa tokko – Dimitrii Sabliin, hoogganichi Siiriyaa kan haleellaa sanaan hamleen isaanii hin cabiiin tahuu eeran. “Haleellichi daran Siiriyaa tokko taasisa” jechuu isaaniilee dubbatan.
Gama biraatiin, haleellaa keemikaalaa prezidaantiin Siiriyaa, Bashaar Alasaad, biyya ofii keessatti geggeesse- jedhame adabuutti ka fuuleffate haleellaan gamtaa biyyoota gama dhihaa eega Siiriyaa irratti geggeessamee booda, akka Raashiyaan yaalii araaraa godhamutti hirmaattu Faransaay dhidhiibaa jirti.
