Dilabata gaafa Caamsaa toorbaa, fiilmiin Afaan Oromoo haaraan “Daandii Wal-maraa” jedhamu, galma aadaa Oromoo, ka magaalaa Finfinnee jiru keessatti yeroo eebbifamee banametti uummatni kumaan lakkaawamu yaa’ee daawwachuun isaa sabaa-himaalee hawaasummaan ibsamaa ture. Akka namoonni bakka sanatti argaman jedhanitti, daawwattoonni galma guguddaa lama guutanii irraa-hafuun garii wal-muddanii dhaabataa turan. Kanneen iddoo dhabanii deebi’an illee ni jiran. Rakkoon galmaa fi rakkoon uummmata heddumminaa fi walitti-fufinsaan yaa’ee daawwatu dhabuu, rakkoolee guguddoo ammaan dura qopheessitoonni filmii Afaan Oromoo komataa turan keessaa isaan guguddoo dha. Amma akkamitti rakkoolee kana irra aanamee, daawwattoonni kumaan lakkaawaman itti yaa’uu danda’an? Qabiyyeen fiilmichaa maali? Qophiin isaa hoo akkami? Qopheessitoonni akkamitti daawwattoota hawatan? Kanneen fi ka biroodhaaf, barreessaa fi daarektara fiilmii kanaa Amaanu’eel Admaasuu Garoo, Finfinnee irraa haasofsiisnee jirra.
