Gareen hidhattootaa Libaanon – Hizbollaan, humnoonni Siiriyaa akka uummatni bakka loltoonni momitootaa to’tan – aanaalee Aleeppoo gama Bahaa keessa jiraatan gad-lakkisanii ba’an ajaja xumuraa kennan – jechuudhaan, lafa Aleppoo mormitootaan qabatamee jiru isa dhumaa irratti haleellaa banuuf akeekkachiisee jira.
Sodaachisni garee Izboollaa irraa dhihaate kun, magaalaa waraanaan marsamtee jirtu – Aleeppoo keessaa uummata Siivilii baasuutti danqaa ta’uu mala – jedhama.
Wal-waraansa gara waggoota ja’aaf Siiriyaa keessatti geggeessamaa ture keessatti, humnoonni hidhattootaa Hizbollaah, waraana Prezidaanticha Siiriyaa – ka Bashaar Alashaad deggeruun lolaa turan.
Qabsaa’onni Siiriyaa akka jedhanitti, kanneen bara 2012 irraa jalqabanii finciltootaan Aleppoo Bahaa keessatti iggitamanii jiran – gara kuma sadii ta’an.
