As Yunaayitid Isteetis Keessatti guyyaa har’aa yaadannoo hoogganaa qabsoo mirga namaa kan Martin Luter King-tu kabajamee oola. Kana ilaalchisuu dhaan kutaa Ohio Yuniverstii Youngstown-tti barsiisaa seenaa kan ta’an Dr. Daani’el Ayyaanaa, yaadannoon Dr. King baraan yaadatamaa jiraata jedhan.
Qabsoo karaa nagaa geggeessuu kan Mahitama Gaandiin biyya Hindii keessatti jalqaban kan hordofan Martiin Luter Kiing, mormii hookkaraan alaa isaan geggeessan seerri Ameerikaa kan loogii sanyii eeyamu akka haqamu taasiseera.
Bara kanas karaa nagaan mormii ofii dhageessisuuf fakkeenyummaa isaanii hordofuun barbachisaa akka ta’e Dr. Daani’el ibsanii, yeroo hedduu sochiin karaa nagaan geggeessamuuf akeeke gara hookkaraatti kan jijjiiramuuf hubannoon sochii tokkoo hunda biratti qixxee hubannoo waan hin qabaanneef jedhan.
