Godiina addaa Oromiyaa Kan naannoo Finfinnee keessatti magaalaa Holataas ta’e aanaa Walmaraa keessatti hidhaa reebichaa fi dararaan hammaate jedhu jiraattonni. Mana keessa yoo oollee cabsanii seenuun nu tumu manaa yoo baanee daandii irraa butanii eessa butee keenya dhabsisu, maal akka nuuf wayyu hin beeknu jedhu jiraattonni. Dallaa mana namaa seenanii maallaqaa fi warqee akkasumas qabeenya adda addaa saamuun aanaa Walmaraa keeessatti baratamaa dhufeera jedhu. Namni nama hidhame iyyaafachuu deemus qabamee itti dabalama waan ta’eef rakkoo jabaatu nu qabe jedhu.
Gama kaaniin immoo bulchaan ganda Gafarsaa Nonnoo nama shakkamee sakata’uu labsii yeroo hatattamaatu ehama, garuu nageenya uummataa naannoo eeguuf kun godhama, jedhu. Kun ta’us, namni manni isaa sakata’ame hin jiru jedhu. Humnootiin nageenyaa bobba’an qabeenyaa saamu, jechuun kan jiraattonni dubbatanis dhara jedhan. Kan jalaa saamame jiraannaan bulchiinsa jirutti iyyachuu danda’aa jedhan.
