Itti Gaafatamaan waajjira Paartii Badhaadhinaa Naannoo Oromiyaa Obbo Fiqaaduu Tasammaa duula na filadhaa dhaabbatichaa har'a magaalaa Ambootti geggeessame irratti haasawa dhageesssaniin, “Gama beekumsaafi teekinooloojii, diinagdeefi sirna ijaaruun ni hojjanna” jechuun karoora paartichaa ibsan.
Gama biraatiin immoo, paartiilee filannoo biyyaalessaa Itiyoophiyaatti hin hirmaatiin hafan keessaa, itti gaaafatamaan Sab-quunnamtii Yeroofii, kan Paartii Adda Bilisummaa Oromoo yokaan ABO obbo Daawud Ibsaan hoogganamuu, Obbo Lammii Gamachuu, “ABO’n filannoo fakkeessii kanatti hirmachuu dhiisuu isaaf waan gaabbu hin qabu. ABO’n siyaasa Itoophiyaa keessatti hirmaannaa karaa nagaa jalqabe itti fufa” jedhan.
Itti Gaafatamaan Waajjira Paartii Kongirasii Federaalawa Oromoo yokaa KFO, Obbo Xirunaa Gamtaas, “ Paartiiin biyya bulchu Badhaadhinni filannoo kana irratti qofaa isaa dorgomuun rakkoo jiru hammeessuurra faayidaa qabaata jennee hin amannu,” jedhan.
