Sirna Badhaasa Graamii waggaa inni 59ffaa Dilbata kaleessaa galgala gaggeeffame irratti ”Albamii sirbaa kan waggaa” gosa jedhamuun lammiin Briteen Adeel injifattee jirti.Welliftuun biyya Inglizii kun weelliftuu Amerikaa beekamtuu Biyoonsee injifachuun badhaasa kana argatte.Garu waltajjii irratti ol baatee badhaasa erga fudhattee booda Biyonsee galateffatte.Abjuu koo fi nama akka fakkeenyaatti ilaaluu Biyoonsee dha jechuun jejje.
Biyoonseenis harka duwwaa manatti hin galle. Albamii wallee vidiyoo fi sagaleen baate “Leemaneed” jedhamuun badhaafamtee jirti.
Sirnii badhaasa Graamii kun ituu hin jalqabamiin sa’atilee hanga tokko dura wellisaa beekamaan kan wallelee Jaaz Riitiim Bluus jedhamaniin Al Jaroo du’uun isaa ibsame.
Badhaasa Graamii 7 kan argate Jaaroon hospitaala Los Anjalas keessatti umrii isaa 76tti du’an boqote.Gosa wallee adda addaan badhaasa argataa ture.Torban darbe butuuta irraa kan ka’e hospitaala erga seenee booda sagantaalee bara 2017f qabu hunda haquuf dirqamee ture.
