FINFINNEE —
Bulchiinsa Mootummaa naannoo Oromiyaatiin erga jalqabamee baatii ja'a ta'uu kan ibsame gabaan Oro Fireeshii magaalaa Finfinnee keessatti jalqabamee jiru qaala'iinsa gabaa tasgabbeessaa jira jechuun fayyadamtoonni ibsaniiru.
Oro fireeshiin oomishitootaa fi hawaasa fayyadamaa kallattiidhaan kan wal agarsiisedha jechuunis ibsameera.
Warreen oomishanii oomishaa isaanii gabaaf dhiyeessan giddu galummaa qaama kamiinuu ala kallattiin hawaasa fayyadamaa biraan gahaa jira jedhan.
Hoji gaggeessaan Oro Fireeshii Doktor Adaree Asaffaa Oomishaalee qonnaa haala qulqullina isaa eeggateen qonnaan bultoota irraa walitti qabuun gabaa biyya keessaafi gabaa Al-ergiidhaaf dhiyeessuuf karoorfate cancala gabaa eegalamee ta'uu ibsaniiru.
