Hoogganoonni gamtaa paartiilee mormituu, ka Medrek akka jedhanitti, poolisoonni federaalaa taajjabdoota filannoo moggaatti dhiisanii, kaan buufta filannoo irraa hariyatanii korojoo filannoo fudhachuu yaaluu irraa wal-dhidee uumameen, aanaa Midaa-Qanyii keessatti namni Giddiisaa Camadaa jedhamu ajjeesame.
“Uummatni gumaa’ee akka korojoon filannoo seeraa ala hin hatamne, meetira dhibba shan irraa fagaatee eegaa ture.
Humni poolisii walii-galtee taajjabdootaa tii ala korojoo sana fudhatee deemuu ennaa yaalu, uummatni itti ka’e poolisoonni dhukaasuu jalqaban.
Haala kana keessatti Giddisaan dhawamee” jedhu, Itti-aanaa barreessaan Kongoiresa Federaalawa Oromoo – Obbo Dajanee Xaafaa. Namoonni ka bironis madaawanii akka hospitaalatti wal’aanamaa jiran dubbatu.
Bulchaan aanaa Midaa Qanyii, Obbo Magarsaa Gurmeessaa fi Itti-gaafatamaan waajira poolisii aanaa sanaa, Komaander Lalisaa Taakkelee garuu, Obbo Giddisaa camadaa madaawee gara Hospitaalaatti ergamuu malee du’uu isaa hin mikaneeffanne, jedhan.
Your browser doesn’t support HTML5
Filannoo bara 2015