Kooriyaa Kibbaa, mootummaan Kooriyaa Kaabaa meeshaalee Niyuukilaraa fi Misaaheloota Baalistik babal’ifachuu irraa kan kan ka’e wal-muddinsa uumame xiqqeessuuf jecha, har’a yaada marii humnoota waraanaa fi maatiilee wal-quunnamsiisuu dhiheessite.
“Ministiriin Ittisaa kenyaa, wal-muddinsa waraanaa xiqqeessuf, biyyoota Kooriyaa lameen gidduutti mariin dameelee waraanaa fi matiilee wal-quunnamsiisuun gaafa Addoolessa digdamii tokkoo Tongil-gak ka Kooriyaa Kaabaa keessatti akka geggeessamu har’a yaada dhiheessee jira” – jechuun dubbatan – itti-aanaan Ministaraa Ittisaa Kooriyaa Kibbaa.
Magaalaan Tongil-gak, ka daangaa biyyoota Kooriyaa lameen irratti argamtu yoo tahu, ammaan dura illee magaalaa kana keessatti mariin biyyoota lameenii geggeessamee ture.