Aministii Internaashinaal ibsa Jimaata dabre baaseen, dhimmota Afrikaatti ministarri gargaaraan dantaa alaa Yunaayitid Isteetis – Tiiboor Naaj, yeroo Ertiraa daawwatanitti – ka lammii Yunaayitid Isteetis taate – Sihaam Alii dabalee – namoota garaa nagaa yaada isaanii fi amantii isaanii ibsachuun mana hidhaa jiran Ertiraan akka hiiktu gaafachuu qaban jechuun ibsa baasee ture.
Siyaam Alii umurii ishee waggaa kudha-shaniitti, tajaajila biyyoolessaa jalaa miliqxee bahuu yaalte – jedhamuun bara 2012 Ertiraa keessatti qabamtee hidhamte. Eega sanaa haga ammaatti eessatti akka hidhamtee fi haala akkamiitti akka jirtu maatiin isheellee hin beekan.
Ertiraan garuu, waliigalteelee eegumsa mirga dhala-namaa sadarkaqa Addunyaa hedduuf miseensa tahuu ibsachuun akka dhiittaa mirga dhala-namaa geggeessaa hin jittetti falmatti.
“Ertiraan dhiittaa mirga dhala-namaa hamaa keessa ka dabarte waan taheef, loogii tokko malee wal-qixxummaaf, haqaaf, nagaaf, bilisummaa fi kabajamuu mirga dhala-namaaf ni falmiti” jechuun deebii kenniti.