Bulchiinsa naannoo Oromiyaa, godinaalee hidhattoonni mootummaan “Shanee” jedhee waamuu ka Waraana Bilisummaa Oromoo keessa socho’an keessa rakkoo nageenyaa jiru irraa kan ka’e qonnaan-bultoonni akka qotataa hin jirre dubbatu. Godinaalee Wallagga Bahaa, Horroo Guduruu fi Shawaa Kaabaa keessaa qonnaan-bultoonni Sagaleen Ameerikaa dubbise, “rakkoo nageenyaa irraa kan ka’e xaa’oo ittiin oomisha guddisanii fi sanyii filatamaallee argataa hin jirru. Waqtiin qonnaa nu jalaa darbaa jira,” jedhu.
Bulchiisa naannoo Oromiyaatti Itti-gaafatamaan Biiroo Koomiyunikeeshinii, Obbo Hayiluu Addunyaaa, “bakkoota hidhattoonni shanee socho’an keessatti galteewwan qonnaa ni saamamu, ni gubatu,” jechuun balaaleffatan. Dubbi-himaan idil-addunyaa garee hidhattootaa – Waraana Bilisummaa Oromoo immoo, himannaa gama mootummaatii irratti dhihaatu kana akka hin fudhanne ibsuun deebii kennanii jiru.
Your browser doesn’t support HTML5
Qonnaan-bultoonni Godinaalee Oromiyaa Hidhattoonni Keessa Socho’anii Sababaa Rakkoo Nageenyaaf Hojiin Qonnaa Jalaa Danqamuu Himatan