Wixati har’aa guyyaa Kolombos, guyyaa inni itti Ameerikaa argate jedhamee beekamutu kabajamee oola. Prezidaant Joo Baayiden waggaa darbe guyyaan kun guyyaa dhalattoota Ameerikaa ganamaa jedhamee akka kabajamu labsaniiru. Hanga ammaa garuu Ayyaana federaalaa hin ta’in jira.
Waggoota dhiyoo asitti, kutaaleen biyyaa, konyaalee fi magaalonni guutuu Yunayaitid Isteetis keessatti argaman bakka guyyaa Kolombas, guyyaa uummattoota Ameerikaa ganamaaf beekamtii kennuun bakka akka bu’u filachuun isaanii dabalaa dhufeera.
Ayyaanni lamaan Onkoloolessa keessa Wixata lammataa irra oolu. Bara darbe pirezidaant Yunaayitid Isteetis Joo Baayidan ayyaana kanaaf sirnaan beekamtii kan kennan jalqabaa ta’anii jiran. Ammallee ayyaana federaalaa hin ta’in jiraatus, wixineen seeraa tokko Kongireesii dhaaf dhiyaatee jira.