Wixata dheengadda akka lakoofsaa Itiyoopiyaatti Onkoloolessa 21 bara 2015 namoonii Uffata siviilotaa uffatan Magaalaa Finfinnee naannoo Piyaasaa fi Markaatoo keessatti kan argaamaan manoottan wareqiin itti gurguraman keessaa seenuudhaan warqeewaan akka fudhtanii deeman namoottan nageenyaa isaaniitif jechaa eenyummaa isaanii himuu hin barbaanne Sagalee Amerikaatti himaniiru.
Abootiin manoottan daladalaa Sanaa poolisootaan akka qabamanii fudhataman namoonii VOA ti himan akka jedhaniitii, namoottan qabaman keessaa hedduun isaanii dhalattootaa naannoo Tigraay akka ta’an ibsaniiru.
Namoonni suuqotaa sana sakatta’udhaan qabeenyaa fudhatan ajaja mana muurtii akka harkaa hin qabnee fi warqeewwan fudhatan sana gara mana baankiitti akka geessan himuu isaanii ibsameera.
Tarkaanfichii suuqota meeqaa irrati akka fudhatamee fi namoonni qabeenyii isaanii jalaa fudhatamee ammam akka ta’an baramuu baatus, naannoo piyaassatti manneewwan gurgurtaa warqee 20 ta’an cufamuu isaanii namoonii ijaan argan VOA ti himuu isaanii gabaasinii Geree Hagoos kutaa Afaan tigirifaa irraa qopheesse ibseeraa. Dhimma kana irratti waajiraa poolisii Finfinnee fi poolisii feederaalaa irraa deebii argachuuf yaaliin taasifamee akka hin milkoofne gabaasnii kun beeksiseera.
