Giiftiin dureen Yunaaytid Isteetis Jiil Baayiden Dilbata kaleessaa hawaasa caamaan miidhaman kan Keeniyaa daawwachuun, biyyonni gaanfa Afrikaa waggoota kurnan darban keessatti haala goggiinsa hamaan waan rakkachaa jiruuf biyyoonni dureeyyiin caalaatti akka harka hiixatan waamicha dhiyeessan.
Jiil Baayiden daawwannaa biyyoota Afrikaa keessa lamaan keessatti gaggeessan kanaan, caama ammaan dura mudatee hin beeknee fi hamaa ta’e kan Keeniyaa, Somaaliyaa fi Itiyoophiyaa keessatti namoota miliyoona 22 balaa beelaan sodaachisaaf saaxiluu irratti xiyyeeffannaan guddaan akka kennamu gaafachuun xumuran.
Balaa Beeleedaalee miliyoona heedduun lakkaa’amu ajjeesee fi midhaan mancaaseef, bajata gargaarsaa ramadamee keessaa Amerikaan harka caalaa maallaqaan deeggartee jirti.
Nuti qofti hin dandeenyu, Addunyaan uummata kutaa kana keessaa gargaaruuf carraaqqii ta’u keessatti akka nu waliin ta'u gochuu qabna jechuun, bakka gargaarsaa itti kennamuu fi caamaan rukutamee konyaa Kajiado, Naayiroobii kibbaa tti argamu keessatti dubbatan.
Miseensonni hawaasa Maasaii, kanneen baay'inaan horsisee bulss ta'an, kutaa Kajiado bakka jill Baaydin daawwatan keessa jiraatu.
Wanti nama dhibu Yukireen keessatti waraanni akka jiru ni beektu. Turkii keessatti balaa sochii lafaatu jira. Rakkoo wal dorgomu baay'eetu jira jechuu kooti, garuu asitti ifaadha, namoonni beela'aa jiru jedhan
Gogiinsi kun daawwannaa Jiil Baayiden Keeniyaa keessatti taasisaniif xiyyeeffannoo ijoo yoo ta’u, kunis wabii nyaataa fi qonna haala qilleensaa jijjiiramaa jiru keessatti gaggeeffamuu ilaalchisee hirmaannaa barbaachisuu hubachisee jira.