Itti Gaafatamaan Waajjira Paartii Badhaadhinaa Magaalaa Naqamtee, Obbo Dassaalany Bokonjaa qaama hin beekamneen Wixata Har’aa, Bitootessa 30 bara 2022 ganama ajjeesamuu isaanii waajjirri isaanii beeksise.
Waajjirri Paartii Badhaadhinaa Naannoo Oromiyaa gama tiin, Obbo Dassaalany qaama hidhateen eenyummaan isaanii haga ammaa hin beekamiinin akka ajjeesaman mirkaneessee, gadda isaa ibsee jira. Wahilli isaanii, aangawaan waajira paartichaa ka magaalaa Naqamtee, akka dhimmichi qoratamaa jiru ibsanii jiran.