Sudaanitti Ambaasaddarri Itiyoophiyaa, gaaffii fi deebii kaleessa, Sagalee Ameerikaa waliin taasisaniin, otuu waraansi hin dhaabatiin lammiilee Itiyoophiyaa biyyattii keessaa baasuun rakkisaa tahuu dubbatan. Ambaasaddar Yibelxaal A’imiroo, Embaasicha keessaa bahuu fi deebi’anii galuun rakkisaa tahuu eeranii, “dippiloomaatotayyuu dabalatee gara alaatti ba’uun yaaddessaa waan taheef hundinuu bakkuma jiru tahee waan tahuuf deemu eegaa jira,” jedhan.