Sirni awwaalcha Artistii Zarihun Wadaajoo bakka maatiin, dinqisiifattoonni isaa, aangawoonni mootummaa fi artistoonni argamanitti bataskaana Kaatediraalii Sillaaseetti har'a raawwatamee jira.
Weellisaa Zarihun artistii hojii muuziqaan qabsoo uummata Oromoo keessatti qoda guddaa gumaache, jechuun hiriyoonni fi namoonni isa beekan kabajaan yaadannoo isaanii ibsaa turan. Artistiin kun yeroo dheeraaf dhukkubsachaa turee biyya Hindiitti osoo wal'aanamaa jiruu umrii isaa waggaa 66tti du'aan addunyaa kanarraa boqote.