Naannoo Oromiyaa Godina Shawaa Bahaa, magaalota Bishooftuufi Oolancitiitti haleellaa hidhattootaan raawwatame jedhameen, namoota meesha maleeyyii lama dabalatee namootni 7 ajjeesamuu isaanii anga'ootni magaalota kanneenii himan.
Haleellaa Caamsaa 8 bara 2015tti, hidhattootni Waraana Bilisummaa Oromoo magaalaa Oolancitiitti raawwataniin, namoota meesha maleeyyii lama ajjeesuu isaanii, namootni mada'anis jiraachuu, Hoogganaan Poolisii Aanaa Boosat Komaandar Mahaammad Yusuuf Sagalee Ameerikaatti himanii jiru.
Kana malees magaalaa Boshooftuutti Caamsaa 6 bara 2015 haleellaan hidhattoota eenyummaan isaanii hin beekamneen raawwatame jechuun Itti gaafatamaan Waajjira Komunikeeshinii magaalichaa obbo Dajanee Baajiroo dubbatanii jiru jechuun, maddi oduu “Addis istaandard” jedhamu gabaaseera.
Haleellaawwan jedhaman kanneen ilaalchisee yaaliin irra deddeebiin anga'oota naannoofi federaalaa irraa argachuuf taasisne hin milkoofne