Bulchiinsa naannoo Itiyoophiyaa gama kibbaa godiina Haadiyyaa aanaa Baadawaachoo bahaa keessatti, mindaan baatiin yeroo isaa eegee baafamuufii Dhaba irraa hojjatonni gaaffii dhiyeessan, har’a hidhaa hiikamuun isaanii RSAtti himanii jiru.
Maaliif akka hidhaman kan hin beeknee namoonnii 19 guyyoota 49 hidhaa keessa eega turfamanii booda, abbaan alangaa himannaa ragaan deggerame dhiyeessuu dadhabuu isaan isin bilisa jedhamuun wabii qarshii kuma 50n hiikamuu isaanii dubbatu.
Yoo abbaan alangaa ragaa isin irratti argatee garu himannaan isin irraatti dhiyaata jedhamee itti himamuu ibsan,
Waa’ee hidhaa baafamuu namoota kanaa kan gaafataman bulchaan godinaa Obbo Abrahaam Maccaa, kan hidhamaniif mindaa isaanii waan gaafataniif miti, hojii yakkaatti waan hirmaataniif malee, kanaaf dhimmi isaanii kan hin xumuramnee fi deemsa qorannaa irra akka jiru dubbachuun alatti ibsa bal’aa hin laanne.
Aguuggii Gaaffii mindaan jeequumsa kakaastan kan jedhuun hojjattoonni 40ni hidhaaf saaxilamuu isaanii, RSA duraan kan gabaasee yoo ta’u warri har’a gadhiifaman kun hidhaa keessa turan keessaati jechuun Yoonaataan Zabdiwoos Haawaasaa irraa gabaasee jira.