Waldaan fannoo diimaa Itiyoophiyaa humnoonni mootummaa fi loltoonni Faannoo kanneen naannoo Amaaraa keessaa, gargaarsa namoomaaf hojjettoota isaaf danqaa malee daandii akka saaqan gaafatee jira. Daayirikterri ol aanaan waldichaa Geetaachoo Ta’aa Finfinnee keessatti kamisa har’aa ibsa kennaniin, gareen isaanii deggersa wal’aansa fayyaa kennuuf qophee dha jedhan.
Dhaaboliin waldaa hawaasa siivilii Itiyoophiyaas qaamonni walitti bu’iinsa kana keessa jiran, humnaan gargaaramuu irra furmaata karaa nagaaf dursa akka kennan gaafataniiru.
SEE ALSO: Lola Guyyootaaf Geggeessameen Booda Magaalaaleen Amaaraa Loltoota Faannnoorraa Walaba Tahuu Mootummaan BeeksiseJarmayaan godaantotaa addunyaa IOM gama biraan, walitti bu’iinsi naannoo Amaaraa daandii ijoo kanneen walitti bu’iinsa Sudaan jalaa miliqan keessa jiraniif garaarsi namoomaa ittiin dhaqabu Matammaa keessa haala jiru daran rakkisaa fi wal xaxaa taasise jedhan.