Naannoo Oromiyaa Godina Boorana Bahaa jalatti, caasefama haaraan akka daangeffamu taasisamuu hordofee, Godina Gujii Aanaa Gooroo Doolaa keessatti erga tajaajilootni bu'uuraa addaan citanii ji'oottan hedduun lakkaa'amuu isaanii jiraattotni dubbatan.
Buufataalee fayyaa aanicha keessa jiran shanan keessaa osoon cufamin kanneen turan tibbana cufamuu dubbatu jiraattotni. Bulchaan Aanaa Gooroo Doolaa obbo Geetuu Culluqqee gama isaaniitiin, miindaa hojjattoota buufatichaa ji'oota lamaaf hin kaffalamin turuu irraa buufatichi cufamuu ibsanii, rakkicha furuuf hojjetaa jirra jedhan.