Gareen ogeeyyii Komishina mirga namoomaa ka dhaabbata mootummoota gamtoomanii, sarbama mirga namoomaa Itiyoophiyaarratti qorannoo gaggeessaa ture Wiixata darbe Jeneevaatti ibsa kenneen rakkoon nageenyaa Itiyoophiyaa keessaa ammayyuu haala yaaddeessaa irra jira jedheera.
Walii galteen Piriitooriyaa sagalee meeshaalee waraanaa dhagahamuu dhaabsisus naanoo Tigiraay keessatti dabalatee nageenya hundagaleessa fiduu hin dandeenyes jedha gabaasichi. Gabaasaa kana irratti mootummaa Itiyoophiyaa irraa deebii argaachuuf carraaqnee, ammaaf deebii hin arganne. Garuu, mootummaan Itiyoophiyaa hundeessamuma Koomishina Ogeeyyii Mirga Namoomaa Tokkummaa Mooutmmootaa dhimma biyya ishee qoratuu irraa jalqabee deddeebisee mormaa ture.