Naannoo Amhaaraa magaalaa Gondoritti Sanbata xiqqaa galgalarraa kaasee guyyaa tokkoof waraanni humnoota Mootummaa fi Faannoo gidduutti taasifamaa tureen magaalittiin cufaa kan turte amma haala tasgabiitti deebiteetti jedhan jiraattoonni sagalee Ameerikaaf yaada kennan. Akka Jiraattoonni kun jedhanitti magaalaa Gondor keessatti dhaabbileen daldalaa fi waajjiraaleen mootummaa tokko tokko banamuun hojii idilee isaanii jalqabaniiru.
Gama biraatiin Koreen ajaja labsii yeroo ariifachiisaa ibsa baaseen naannicha keessatti ayyaana damaraa fi moolidaa Fulbaana 16 fi 17 wal duraa duubaan kabajamu naannoo Amaahaaraa keessattis haala kabaja Amantiin sun Eyyamuun akka kabajamu ibseera. Labsiin yeroo ariifachiisaa kun Addabaabayiirratti walitti qabamuu kan dhorku ta’us Ayyaannooni kunneen kan kabajaman Addabaabayiirratti waan ta’aaniif akka kabajaman eeyyaameera jedha gabaasni Aster Misgaanaawu